ابسألك..
ليش الأمانة بالقلوب في زماننا تحتضر
وليش المحبة والمودة تنداس بأقدام البشر
وليش الصداقة ذابلة ومن الخيانة لا مفر
ولامن زرعت الخير في الدنيا يحاصرك الخطر
ابسألك..
ليـش ما للحب طعم أو سعادة وأمنيات
ليش نبني قلوب عشق مظلمات خاليات
ليش ما نروي المشاعر العطاشى الظاميات
ليش ما نقضي بألم كل القلوب الخاينه
حتى الممات
ابسألك..
ليش نلقى في زماننا جروح وأحزان وهموم
ليش التفاؤل والفرح يبقى ثواني ما يدوم
ليش العيون الخايفة
وبعض المشاعر زايفة
ابسألك..
ليش دايم ننتظر
لين آخر هالعمر
حتى الصبر
مل واختار السفر
وما بقى إلا الهموم
مكتوبة لك طول الدهر
الأربعاء يوليو 23, 2008 10:01 am