عبــــدالله والــــــــــــريم

اقروها وايد حلوه Very Happy

أحلى قصة حب ... عبدالله والريم
الريم بنت حلوة وكان الكل يتمناها تكون شريكة حياته ووايد شبان تقدمولها لكن هي ترفضهم مب تكبر او غرور بالعكس لانها مالقت الشخص اللي تحبه ويحبها ... وفي يوم كانت الريم يالسة ويا امها واختها مريوم...
مريم: اماية متى بنسير بيت خالوه موزة تراني وايد اشتقت لهم...
الريم:يالله من متى نزل هالحب بسم الله علينا ...
ام محمد: انتن ما تعرفت تيلسن صاخات لازم تتناقرن ان شالله مريوم بنسير عقب المغرب تزهبي ...
مريم: ان شالله اماية وبتزهب وبروح وبستانس وبعض الناس خلهم ناقعين هني...
الريم: ياللع عاد جلبي ويهج ...
بو محمد يدخل الصالة وكان توه ياي من بره...
بو محمد: السلام عليكم ...
كلهم : وعليكم السلام والرحمة...
وتقوم مريم والريم يحبن ابوهن على راسه...
بو محمد : ها شو العلوم والأخبار ؟!
ام محمد: سلامتك والله ماشي اخبار...
الريم: ابوي بغيتك اليوم عقب المغرب توديني السوق في جم غرض ناقصني...
بو محمد: انزين يا ريمو انتي تعرفين تسوقين وعندج ليسن ليش ما تسيرين روحج...
الريم : لا ابوي ما فيني وبعدين انا ابك انته توديني دخيلك يا بوي لا تردني...
بو محمد : ولا يهمج فديتج بوديج من عيوني الثنتين...
عقب المغرب
ام محمد: مريوم ... مريووووووووووم والصمخ...
ويدخل محمد الصالة
محمد : بلاج اماية تزاعقين ...
ام محمد: ازقر مريامي لان بنسير بيت خالتك موزة...
محمد: والله ... محمد يقول في خاطره(الللللللللللللللللله عيل بسير وياهم اشتقت حق شواخي بنت خالوه فديييييييييتها يا ربي)
وتنزل مريوم من فوق : اماية انا زاهبة يالله نسير...
محمد: اماية انا ساير وياكم...
ام محمد : يالله عيل عن نتاخر...
محمد+مريم: يالله
الريم في غرفتها يالسة تكشخ وتتعدل لانها سايرة السوق وعقب ما اتزهبت يدق موبايلها وتلقى مكتوب الشوق يتصل بك
الريم : مرحبا مليون وان زادن لا باس...
شوق:الللللللله كل هالترحيب حقي يا ويل حالي ... شحالج غناتي...
الريم: يسرج حالي والله شحالج انتي...
شوق: انا بخير دام انتي بخير ... شو بتظهرين مكان اليوم؟
الريم:هي ابوي بيوديني السولي حاية هناك وبغيت اشتريها ...
شوق:خلاص برايج عيل يوم بتردين دقيلي...
الريم : ان شالله فديتج يا الله مع السلامة...
شوق:فمان الله غناتي...
وعقبتظهر الريم من غرفتها وتسير صوب غرفة ابوها ودقت الباب (( طق طق طق)) ومحد يرد وخافت ويوم فتحت الباب لقت ابوها متسدح على السرير ويتصبب عرق ومب قادر يتنفس والريم مسكينة خايفة على ابوها وقامت تصيح وسارت زقرت الطباخ عشان يشل ابوها ويركبه السيارة وهي بتوصله المستشفى ... ووصلت الريم المستشفى وبسرعة ييبوا الممرضين النقالة ويودوا غرفة العناية المركزة ... والريم من كثر خوفها نست ادق على اخوها محمد ويلست تصييييييييح ومن خاطرها بعد ... وعقب ظهر لها الدكتور...
الريم : ها دكتور طمني على ابويه...
الدكتور : ما تخفيش ابوك كويس وعال العال...
الريم:صج دكتور...
الدكتور: اه صدج ...
الريم:انزين دكتور هو شعنده وشو سبب مرضه المفاجئ...
الدكتور:مافيش حاجة تخوف كل اللي عندو ديق تنفس...
الريم: زين دكتور اقدر ادخله؟
الدكتور : اه طبعا بس لو فاق ما تخليهوش يتكلم كتير...
الريم : ان شالله دكتور...
وتدخل الريم عند ابوها وتلقة راقد يحليله جنه ياهل وحبته على راسه وقالت: ما تشوف شر يبه...
وفجأة تضرب الريم راسها وتقول: اففف نسيت ادق حق محمد...
ويرن تلفون محمد
محمد : الو...
الريم : محمد اقولك ترا ابوي راقد في المستشفى...
محمد : شوووووووووووووووو؟ انتي شو تقولين؟
الريم : لا تخاف هو بخير الحين بس تعب شوي في البيت الدكتور قال انه عنده ضيق تنفس وهالشي ما يخوف...
محمد: زين الحين بيي انا واماية ومريوم...اي مستشفى انتوا ...
الريم : مستشفى خليفة...
وتسكر الريم عن محمد ومامرت دقيقة الا وتسمع موبايل ابوها يدق وطلعت الموبايل من جيب الكندورة وتلقى مكتوب حميد يتصل بك وعرفت منو حميد هذا ربيع ابوها الروح بالروح وكانت تلعب ويا ولده عبدالله يوم صغار...وتضغط الريم على زر الاوكي...
بو عبدالله : الو...
االريم: عمي حميد...
بو عبدالله : منو انتي...
االريم: انا الريم بنت سالم الفلاني...
بو عبدالله: هلا والله ريماني شحالج ... ووين ابوج؟
االريم:الحمدلله بخير ... ابوي راقد في المستشفى ...
بو عبدالله:افااااا عسى ما شر...
االريم:لا سلامتك بس تعب شوي في البيت...
بو عبدالله : خلاص الحين ياينكم ...
االريم: حياك الله عمي...
بو عبدالله: الله يحيج يالله فمان الله...
الريم: مع السلامة...
وشوي يدخل محمد وام محمد ومريوم وهي تصيح...
مريم: ابويه شو بلاه ابويه يالريم...
االريم: ابويه مافي شي ... بس مريامي لا تصيحين...
ا ام محمد: ويه ويه بسم الله على ريلي بسم الله عليك يعله في اللي يكرهونك(( محد يعلق ريلها كيفها تحبه عشق بين الشواب والعيايز))
محمد يحب راس ابوه: ما تشوف شر يا بوي...
وعقب تموا كلهم ساكتين وكانت الريم يالسة عدال ابوها وفجأة تحس الريم بايد تمسكها ويوم لفت لقت ابوها مفتح عيونه ...
الريم : اماية محمد مريامي ابويه فتح عيونه...
وكلهم تموا يتحمدوله بالسلامة
بو محمد وهو يرمس بصعوبة: ري ري ... ريماني اس... اسمحلي ما وديتج السوق اليوم...
وهين الريم ما قدرت تمسك دموعها لوت على ابوها وتمت تصيح ... وعقب ما خلصت المناحة دخل بو عبدالله ومعاه شاب حليو طويل شوي جسمه عريض حنطاوي حياته مقرونة...
بو عبدالله : ما تشوف شر يا بومحمد ...
بو محمد : الشر ما ييك ...
عبدالله: سلامتك عمي...
بو محمد: الله يسلمك من الشريا ولدي...
بو عبدالله : شحالك يا محمد...
محمد: بخير ربي يسلمك...
بو محمد: يا بو عبدالله لا تقول ان اللي وياك عبدالله الصراحه بنصدم ههههههههههههه ...
بو عبدالله : شسوي هذا ولدي عبدالله...
بو محمد: ما شالله عليه كبر وصار ريال والنعم فيه ...
عبدالله : تسلم عمي...
بو محمد ربي يسلمك...
بو عبدالله : عيل ماقلتلي يا بو محمد منو الريم ومنو مريوم... الصراحه يتشابهن وايد...
وقبل لا يرد بو محمد تقول مريوم:افاااااااا يا عمي نسيتني وانا اللي كنت دومي اركب فوق ظهرك خلاص لا ترمسني...
بو عبدالله: بس لا حد يرمس هاي مريامي الملسونة اكييييييييد...
كلهم يظحكون
بو عبدالله : وهاي الريم ماشالله عليج صرتي حرمة وحلوة...
الريم منزلة راسها مستحية ومبتسمة...
ويوم عبدالله عرف ان هالبنت الحلوة هي الريم عيونه ما نزلها من عليها مندهش ومو مصدق ان هالبنت هي نفسها اللي كان يلعب وياها قبل... والريم نفس حالته بالضبط وكان تبادل نظرات عجيب من بينهم وكل واحد قلبه مال للثاني...
ا اليوم الثاني ظهر بو محمد من المستشفى وعزم محمد انه يسوي عزيمة عووووده على سلامة ابوه وعزموا فيها حميد وولده عبدالله لكن حميد مرته متوفية وما عنده غير ولده عبدالله ...
وعزموا خوات ام محمد انا بو محمد ما عنده خوان لكن هو ربى ويا ربيعه حميد وهو في حسبة اخوه...
وبقولكم شي ترا محمد ما سوا العزيمة عشان ابوه ظهر من المستشفى فيه سبب ثاني وهو ان شيخة بنت خاله بتيي ويبا يشوفها ...
وكانوا قوم بو محمد محتشرين يزهبوا الاكل والحلويات يعني كانت عزيمة صج كبيرة... ويوم يو قوم موزة قام محمد يلسم عليهم جي بسرعة بسرعة بس عشان يوصل دور شيخة ويسلم عليها ... ويوم يت شيخة تسلم عليه ...
محمد : احم ... هلا والله...
شيخة : اهلين ... شحالك محمد...
محمد : من شفتج انا بخير ...
شيخة نزلت راسها ومبتسمة ...
ويت مريوم الملسونة تخرب هالجو الرومانسي مبينهم ...
مريم: حوووه شو تسون مني شواخي يالله بنسير داخل عند بنات خالتي هند ... وانته حمود ليش ما تسير عند الريايل ولا انته مب ريال...
محمد يقول في خاطره ( اففففففف هاي شو يابها الحين بس فالحة تخرب) زين زين الحين ساير...
وسارت مريوم وشواخ داخل ... ويلسوا الحريم ويا بعضهم والبنات ويا بعضهم ... لكن الريم كانت معاهم بجسمها بس لكن عقلها وقلبها في مكان ثاني ... كان عند الانسان اللي قلبها دق له دقت الحب ومراح يدق لغيره...
وعبدالله نفس الشي كان يحبها ويمووووووووت فيها ...
ا اليوم الثاني
بو محمد : مريوم وين اختج...
مريم : يمكن في غرفتها ...
بو محمد سيري ازقريها ...
مريم : ان شالله ابويه ...
مريوم ادق الباب على الريم ...
االريم : منو ...
مريم : انا مريوم ... ابوي يباج تحت سيري له ...
االريم : انزين الحين يايه ...
وتنزل الريم عند ابوها ...
االريم : نعم ابويه بغيتني ...
بو محمد : يالله تزهبي بوديج السوق ...
االريم : لا يابويه مابا اتعبك ...
بو محمد : لا يا بنتي مافي تعب انتي كان في خاطرج اوديج وانا الحين بوديج يالله ولا تناقشي ...
االريم : من عيوني يا بوي الحين سايرة ... بس بشل الشغالة وياي عشان تشل الاغراض...
بو محمد : انزين ...
وسارت الريم غرفتها ولبست وتعدلت وسارت ...
وهم في طريجهم للمول يرن موبايل بو محمد ...
بو محمد : مرحبا مليون ...
بو عبدالله : مرحبتين ...وينك يا ريال نحن نترياك في بيت بو ناصر ...
بو محمد : ان شالله الحين ياينكم ...
وسكر بو محمد عن بو عبدالله ...
االريم : منو هذا ابويه ...
بو محمد : هذا بو عبدالله يقول انهم يتريوني ...
االريم : خلاص يابويه انته وصلني المول وانا يوم بخلص بدق على محمد ييني وانا وياي الشغالة ...
بو محمد : خلاص صار يا بنيتي...
وتدخل الريم المول وتمت تشتري ملابس ومكياجات وهالسوالف ... وعقب سارت بتيلس في الكوفي شوب ...
وكان عبدالله ويا ربعه هناك بعد بس ما انتبهوا لبعض ... وعقب يوا مجموعة شباب شكلهم ما يسر والريم حست بهالشي ويلسوا في طاولة مجابلة طاولت الريم ... ويا واحد منهم وبكل جرأة وقف عند طاولة الريم وقالت الريم في خاطرها ( يمييييي احسن لي اقوم ) ويوم قامت الا يمسكها الولد من ايدها ويضغط بقو عليها ويقول : شرايج تيين ويانا صدقيني بتستانسين ...
الريم وهي خايفة بس ما تبا تبينله هالشي وتخلي عمرها شجاعة تقول : هد ايدي احسن لك ...
االولد : ولو ما هديت شو بتسوي ...
االريم وبصوت عالي : هد ايدي قلت لك ...
وسمع عبدالله الصوت وشاف الناس متجمعة وسار هو وربعه يشوف شو مستوي والا يلقى الريم متوهقة ومندون ما يحس ينقز فوق الولد ويسدحه وضربه ضرب وربع عبدالله يحاولون يوخرون عبدالله عن الولد لانه صدج صفعه من الخاطر

يشرفنـــــــــــي اكون اول وحده انور صفحتج :tongue:

انـــــــــا من عشـــــــــاق القصــــص بس بصراحه ما احب اتحرقــــــــــــص يعني يوم بتنزلين القصه كامله

بقراهـــــــــــــــــــا وتقبلــــــــــــــي مروريـــــ ...

انشاالله بنزلها كلها

نتريا التكمله خيتو